FriendEarth.com
Blogsearch
Blog搜尋
  Friend Earth | 方法論 | 幫助
 

熱門話題:江湖救急 無錢交稅 點算?
位置: BlogSearch / 工作 / 住在西菲小島上的稻草人 /
 


影片

廣州婚紗街之旅〈一〉

發表時間: 2008-01-04 17:08:27   瀏覽次數:1116
上一則:想一次過買哂幾百件野??黎網上商店幾分鍾搞掂哂!
零七年大除夕前,我同羊生終於開始左我地第一步既上大陸掃平貨之旅啦。話說12月29本來係黑貓成個月前約左話想上大陸睇小白虎的,但佢自己本人都忘記晒成件事,而我地又冇諗住remind佢,所以end-up係不了了之。我同羊生就決定將錯就錯,反正我地都想睇下廣州既結婚用品係咪真係平成咁,所以我地照原定計畫,返大陸兩日一夜自由行。 係未去之前,我用左差不多大半day,睇晒esd 幾廿頁既post,C&P再重整,攪掂左個必買品list既excel 表,列名各區抵買物品同價格,仲有路線指引,預算budget係每人一千大元人仔 (點知個死佬只係帶左五舊,攪到我地差尐冇錢返歸)。 早上十點,我地係粉嶺出發,因為買唔到祈福車票,我地要撘火車去羅湖轉火車落廣州再轉地鐡,去到購物點珠海廣場一點幾,先去義順呢間掃貨人聚腳點醫下肚先。餐廳冇上次咁多掃貨之人,好冷清呢!令我地一度擔心係咪市場冇開。 食完陳村粉,我地就朝目標出發,先係最近既藝景院。果度其實好似有蓋既女人街咁,咩拉雜野都有,又多人、通道又四通八達冇方向性,我地為免混亂,先上二樓睇下尐家居貨品先。睇左幾間乾花店、絲花店同花瓶店,覺得尐貨色都係一般姐,香港花墟都有(當然香港貴好多啦),反而行到其中一間賣皂花小禮物既舖頭,佢尐野就睇落有吸引力尐啦。尐皂花好多色,雖然packing 簡單,但個樣同hk尐bath & shower 賣既質素有得揮 ( 講真,佢地咪又係大陸入口,之後re-pack就賣幾廿蚊至百幾蚊盒 ),咁我地係度貢來貢去揀花既同時,間舖本身有兩個客係度同sales姐姐講數既,佢地應該係尐禮品公司既人。佢地就睇中一款心形盒內有三朵皂花既set,果陣我聽到個sales開批發價係Y2-3。咁我地當時就睇啱左一款PASTEL色兩朵裝既皂花,比三朵裝大少少,長方形Packing。另一款係tiffiany藍四朵細花圓形packing加同色絲帶,好似蛋糕仔咁,清清地,當時我地估計批發價約Y2-3。由於等極個sales都仲未得閒,我地決定拿左咭片去第度行下先。 之後我地先去睇利事封同囍字貼,但大部份既店舖都做緊新年item,好少舖頭有擺囍事利是,就算有,款式都唔多,睇左好多間,先睇啱一款金色浮突金囍利事封係好樣尐,盛惠Y1.5一包八個。之後我地再見到一間賣剪紙既攤檔,我地睇中一款龍鳳呈祥囍字連掛框,檔主開價Y25,我地想要框就Y15,當時我就諗,人地明明話Y8就有一對,點解佢開咁貴?會唔會佢地講既係最普通最普通單一隻囍字呢??因為講真當年係北京要買咁複雜既剪紙都真係要十幾廿蚊,結果我地係一輪殺價之後,用左Y46買左一對龍鳳囍,一隻花開富貴同幾對零碎既細囍貼字。買完囍字,我地就向婚紗街方向進法。 婚紗街同一德路藝景院其實只係一橋之差,過左條大橋就會見到江南大道既路標,然後就會見到尐婚紗舖同海珠婚紗城。所謂既婚紗城,其實只係一間好細既商場,裡面全部都係賣結婚用品,細至利是封、頭飾、做相薄既模板、UV膠,大至影相布景板同仿古傢俬道具都有,好似去左Red Wedding既入貨區。終於俾我地解開左佢做價咁低之迷了。 咁大開眼界之後,我地就繼續行婚紗街。整條街都是琳琳種種的婚紗店,款式千奇百怪,咩款都有,質素比我想像中好。但礙於我地一早已經book左租衫,所以我地都只係window shopping就算了。我地重點係睇尐敬茶茶杯,間間舖既貨色都差不多,最靚都係紅白囍字果套,反而俾我地無意中睇中一對紫色金線鴛鴦食衣碗,但間間報價都要八十幾蚊,有點貴。最後我地行左去一間細舖,睇到款鴛鴦剪紙囍,一問之下,只係Y10就有一對大,Y5就一對細既,當堂覺得俾人揾笨,之前係藝景院一對都使左我地三十蚊,激到我地直頭想買返幾對囍字然後唔要之前果尐。呢間舖雖然細,但標價都ok老實,問左幾樣野都同我research既價差不多,所以好多人幫親,我地等左好耐先等到老人娘招呼我地。所以我地都冇咩講價就買左尐垃雜野好似對聯同咕口臣套果尐,然後又屈左老闆娘送多幾個細囍貼,之後我地仲買埋對鴛鴦衣食碗同屈佢送左對如意結俾我地,滿載而歸成喼full晒加上天色開始黑,我地定明日再戰,先dinner再返海珠廣場等車返祈福揼骨按腳畫花甲。

下一則:手續少,俾錢快,借貸唔黎呢度借就真係笨啦~:
來源: http://hk.myblog.yahoo.com/creamsit/article?mid=421


 
熱門話題
每個Blog的秘密
 
其他文章:

Friend Earth - 關於Friend Earth - 服務條款 - 隱私及保護 - 隱私及保護 - 聯繫我們 - 視頻 - 話題目錄 - Blog目錄

Partners: Friend EarthWeefishHabibi - Lefthit

Sponsors: Cosplay - Cosplay UK - Cosplay Canada - Cosplay Singapore - Cosplay Malaysia - Cosplay Hong Kong

FriendEarth.com 2014 版權所有 不得轉載