肥婆學跳舞..跟進篇

8 堂 HIP HOP 舞 終於上完, 亦已經報了下一個 8 堂了.

當中我因為身體唔舒服, 又或者公司趕埋數走了幾堂.

最記得停了幾堂再上, 一上, 就抽筋了,

老師走埋黎問 : "抽脂啦....啊...揸油啊~~",

係, 我老師係國語人, 上佢堂都係估估吓,

不過難唔係難在唔明佢講乜, 難在 HIP HOP 係手腳唔係一致的,

有時手一拍腳已經做左 兩拍, 踏前左腳, 右手拉後打圈,

同一時間雙腳已經做左幾個 STEP, 總之手腳就打晒結~~

慢慢每一個 STEP 教既時候都尚算清楚, 但一 FAST, 就亂到好似舞龍咁,

照鏡, 只覺得自己似踩死蟻咁, 亳無美感可言~~

�

第一堂跳, 我對腳要�4 日至唔痛, 再跳, 已經慢慢有改善,

宜家如果唔係太落力, 翌日已經唔痛~~

點解繼續跳, 都係因為想郁吓, 不過 HIP HOP 真係唔係好岩我地 LEE D 年紀,

太劇烈了, 但我見有 部份同學仔同我差不多 OLD 咋喎,

亦係跳得麻麻地, 咁我又繼續跳落去了~~

�

有D 帶埋屋企人黎參觀, 真係好分心咖, 跳一陣又出去傾吓偈,

休息多過跳, 咁又點會跳得好呢~~

�

我唔望自己可以跳到一隻 HIP HOP 舞, 只想自己跳得好睇 D JAR~~