冬菇絲燴豆腐

今日唔知點解咁累, 已經 1 點至起身, 食完 lunch, 買埋餸,

又想再訓, 唔得, 要 long 埋衫先, 搞到 3�� 點又攤落張床, 訓到 6 點至起身,

Mmm... 要開始煮飯啦~~ 講真, 咁鬼凍, 真係唔想煮,

不過難得星期日可以有時間煮餐"落足心機"既餸, 就煮一餐吧.

�

琴日聽媽咪講, 原來可以在肉檔買"豬軟骨", Mmmm.. 用乜野煮好呢,

呀, 不如用南乳啦, 就夠期啦, 再唔煮都要丟啦~~

本來都煮得好地地, 好似炆腩排咁炆就得啦,�炆到咁上下,

我又手痕丟粒冰糖落去,�咁就出事啦, 可能汁太少, 冰糖又惹火, �

煮左一陣就(火農)左...woowoo... 好彩發現得快, 即刻鏟起豬軟骨,

不過無晒汁 law....

唔知係咪肉檔呃我呢,� $15 得幾舊咋, 而且雖然炆左好耐,

林就林啦, 不過唔夠街食0個d 咁滑既, 我要再鑽研吓先~~

另一碟想清清地, 所以煮鮮冬菇+豆腐.

我買左一舊布包豆腐, 貪佢滑 d,

用鹽醃, 可以實淨 d又入味d, 然後用上湯煮熱,

完整鏟起放在碟上,� 在豆腐面, 界幾吓易入味,

再用上湯煮鮮冬菇, 點解會切絲呢,

因為我買左 8 兩鮮冬菇, 原來有好多咖, 咁我咪切絲,

又易煮林, 又唔會咁"0牙炸" law~~

最後埋番個蠔油獻, 淋在豆腐, 搞掂~~

老公問, 今晚食乜野餸, 我話咪"冬菇絲燴豆腐" law,

佢話, "乜冬菇私會豆腐咁離譜呀~~~", 真係俾佢吹脹~~