到更年期了嗎?

最近同朋友講起, 佢地媽咪開始有"更年期"既跡象,

會無端端發脾氣啦, 係亳無原因, 亳無徵兆, 話鬧就鬧~~

朋友仔比我後生, 所以宜家至"領教"到, 我十年前已受夠了~~

當時仲係爸爸唔0係度既時候, 我地幾姊妹受晒,

當時都唔知係乜野事, 只知媽咪又無端端鬧人啦,

我地既情緒完全受佢牽引, 好唔開心...

�

到後黎至知, 部份女性大約到 45 -55,

就會潮熱面紅、煩躁出汗、頭暈耳鳴、腰膝痠軟、腳跟疼痛、

皮膚痕癢、月經紊亂、小便頻密、身體浮腫、心悸失眠等等,

因賀爾蒙失調, 就會不受控大發脾氣, 名為 "更年期".

如果腎氣弱既婦女, 會更早發病, 發病既時間會更長.

而更年期亦係另一個離婚高峰潮, 好多男人抵受唔住老婆無理既脾氣暴燥,

真係會拗交多過食飯咖~~�

�

當年我地雖然受盡媽咪既脾氣, 不過終歸都係媽咪,

都無俾佢嚇走, 只係唔知自己又做錯乜野俾佢鬧一餐 law~~

�

其實女人都幾慘, 一發脾氣又會俾人話 "你更年期呀~~",

但我又覺得男人都好慘, 女人無端端發脾氣, 佢地都要受晒~~

�

前幾日至同老公講起, 我就黎 40 啦, 就快更年期, 要有心理準備啦~~

老公話 : 什麼心理準備?

老婆話 : 我會無端端發脾氣 law~~

老公話 : 你宜家都係咁啦....哎呀....

佢既下場大家可以估到, 佢老婆應該提早左更年期...

�

我諗好多男人已經唔理幾時係更年期, 因為身邊0個個成日都發脾氣咖啦,

根本都無辦法"救治", 惟有認命吧啦....嘩哈哈~~