湊仔方程式(一)

琴晚約左幾個中學同學 GATHERING, 我地 4 朵 金花咁多年都咁老友,

當佢地一個一個做左媽咪, 大家既關係更好, 因為可以交流湊仔經.

�

WELL, CHU CHU 你無兒無女, 實悶到抽筋啦~~

咁又唔會好悶, 佢地經歷既我都經歷過 (部份), 因為姨甥係我湊大既,

我除左未經歷過 陀/生 BB�lee 個過程, BASIC 既湊仔方法我都識 D 咖,

又因為我仲有好多野唔識, 乜都鍾意 8 一餐, 唔識就唔會駁咀啦,

所以好多朋友都鍾意同我分享, 我就知得愈多.

�

琴晚同學仔 A 同我講, 原來我十年前已經叫佢要睇中醫調理好身子而有 BB,

係咩, 我都唔記得啦, 每個想生 BB 既朋友仔我都提過咖啦,

佢話宜家就知後悔無聽我講, 話有就有,�

陀既時候又亂食野, 所以宜家囝囝身體差,

皮膚又易敏感, 佢就怪晒自己啦~~

其實關唔關事呢, 我都係道聽途說, 寧可信其有~~

�

同學 B囝囝 15個月大啦, 仲未戒夜奶, 其實要戒唔難咖,

只要調較番在睡前至餵奶, 佢喊醒亦盡量拖遲至俾奶俾佢食,

唔好一喊就俾, 慢慢可以由 2 次夜奶變為 1 次, 再變為晨早奶,

咁就無咁辛苦啦~~

不過囝囝已經習慣左有夜奶飲, 需要更長時間去搞啦,

點解唔早 D 問人呢~~

�

同學 C 囝囝 6 歲仲尿床, 其實都唔出奇, 但原來佢用錯方法,

每晚�1 點及 3 點拍醒佢痾 SHE SHE, 第一次根本得少少,

第二次好有便意, 但又好眼訓, 所以可能未痾晒又去訓, 結果都係尿床.

痾夜尿 同 飲夜奶一樣, 都係生理時鐘, 要戒, 都要慢慢黎, �

可以在睡前盡量少飲水, 亦叫佢去一次 SHE SHE 先,

慢慢調節只去一次夜尿,� e.g. 延遲 到 2 點至去,

儲多少少尿至痾, 佢痾盡D, 尿床既機會就少 D.

�

聽君一席話, 覺得做父母真係唔易, 生難養難湊難教更難.

佢地既 conclusion 係, 唔明唔識, 真係要問,

原來有好多湊仔方法都唔難, 首要條件要有耐性, 又要夠忍心.�

好多人會覺得, 我上網都搵到好多資料啦, 夠啦, 我搞得掂,

但到頭來一個有血有肉會喊會叫既 BB 0係面前, 就只會手足無措~~

�

湊仔方程式: 聽多D 問多D, 千祈唔好怕醜, 唔係盞自己辛苦~~