點解我咁命苦....

邊個咁慘? 怨自己命苦? 咪係我奶奶 LAW~~

0拿, 你地睇吓佢有幾命苦啦...

1. 青春少艾, 被一個在澳洲開牧場既男人追求, 男人話帶佢去澳洲移民,

佢 SAY NO, 因為....怕要去執牛屎!!

2.��青春少艾, 被一個在加拿大開餐館既男人追求, 男人話帶佢去移民,

佢 SAY NO, 因為....怕要去洗大餅!!

3.� 結果, 嫁俾我老爺, 無牧場無餐館, 只係打工仔一名,

因為奶奶覺得有錢既人就身痕, 所以特登揀個無錢既, 以為佢唔花 FIT,

奶奶睇小老爺只係搵 200, 原來老爺搵1000,�老爺就用 LEE 800 私己錢去花天酒地,

到奶奶知道時已經生左幾個仔女, 恨自己太蠢~~

�

好啦, LEE D 都係陳年往事, 講 近少少既:-

有朋友間公司就黎要清盤, 就半賣半送層樓俾我奶奶, 首期已經俾左,

只係叫奶奶繼續供落去就得啦, 唔供就由得佢拎去賣,

但奶奶點都唔肯要, 話, 供唔起點算, 乞食呀, 但其實當時奶奶都有 D 積蓄既,

仔女又出身啦, 每人供 少少都得啦, 再唔係咪拎去賣 LAW~~

結果, 俾仔女鬧佢蠢~~

�

再 近D 既:-

�學人買股票, 人地叫佢買, 佢又唔買, 到升到 BA BA 聲就入市,

入完市跌左少少就驚到鼻哥窿無肉, 提心吊膽, 結果0係最低點放左, 一身鬆晒, �

埋單一計,�一星期內連佣金蝕左 2XXX.

點知佢一賣, 個市就升, 如果佢無賣, 宜家賺 4000, 即係一來一回無左 6XXX~~

�

於是, 我地以後就叫佢做"明燈", 佢入市一定係最高價, 我地要即刻放股票,

佢放股票一定係最低價, 我地要即刻入市~~

�

一個船頭驚鬼船尾驚賊既人, 成日0係度呻命苦,

所以我終於明白, 命運, 原來可以受人操縱咖,

財神爺臨門幾次都俾佢趕走, 想發達都好難啦~~