給病榻中的老公 - 磨菇粟米粥

老公隻腳痛左好多日, 初時只係大脾痛, 以為只係過勞,

但愈來愈痛, 連膝頭都痛埋, 行路要拐拐吓, 幫佢按摩都係舒緩少少而已,

叫佢睇醫生又話唔知睇乜, 跌打又唔係, 都無扭傷,

唉~~ 實在硬頸, 終於太痛, 都係去睇醫生,

話佢係神經痛, 叫佢留意會唔會生水泡,

if yes, 就係生"蛇", 就要即刻去覆診, 可大可小的~~

醫生仲叫佢戒口, 有毒的全部唔可以食, 又要食得清淡,

於是我就煮左這個粟米粥俾佢食,

有粟米, 磨菇, 紅蘿蔔, 生菜, 望落色彩多d,

要戒口都無咁寡嘛~~

除左佢病外, 我都重傷風, 頭痛欲裂, 岩晒, 我都一齊戒口吧~~

細妹話我地間屋有病位, 所以住0個度會成日病~~

今年真係好多病痛, 希望霉氣快d 過~~

佢建議我擺個葫蘆在門前, 可以趕走病氣喎,

我地一向唔相信 lee d, 但 lee 排我地輪流病, 都係掛一掛心安 d 吧~~�