台北精華遊第二天

一訓就訓到大天光, 話說琴晚返到酒店時, moka 留左個言俾我, 就係話如果我仲未訓就打俾佢. 我地可以去飲杯野, 傾下計咁. 之不過經過一整日既辛勞, 返到酒店已經唔想再出去la. 內容仲提到佢會聽朝泥搵我食早餐, 好開心咪大覺訓lor.

我地一早見面後就去食早餐, 我同moka 男友叫左魯肉飯, 勁好味. 我再叫多一杯木瓜奶 (moka介紹, 佢都叫左一杯)

同桌中, 佢介紹我地去食buffet, 同埋去九份買八仙果. 好開心可以係台灣見到佢, 仲一齊食左個早餐.

同moka byebye之後, 我地出發去浸溫泉, 今次目的地係北投, 其實捷運真係幾方便, 係去新北投既車比較梳, 要等成10分鐘先有車.

去到北投, 成個都係溫泉區, 我地行左一個圈, 起初好興奮咁搵溫泉, 之後一路行上山, 一路覺得自己行錯路. 皆因我地想去浸溫泉前睇左個溫泉潭先. 問左路人, 再行多5-10分鐘便到達. 成個湖面都係蒸氣, 好似真係會好熱咁, 佢寫水溫有70度. 睇完之後我地就去左搵溫泉浸lu.

浸左約一個鐘, 好肚餓呀, 又要搵野食. 不過我地決定去淡水先食野, 呢個決定係正確架! 原因? 下次講!

�