台北精華遊第一天

零晨時間由屋企出發, 由於約左要0730到機場,原本係屋企留下已經可以搭到E車, 不過諗深一層要搭成個幾鐘, 同埋我遲左少少出門口, 便有理沒理地拖住個gip行去遠少少既A車站. 真係出師不利, 我追車尾呀

等下等下又過左十分鐘, 已經係6點50分了, 巴士站資訊又話20分鐘一班車, 我追車尾時明明是0630, 咁無理由仲未見到車泥架(因為係一條直路, 我估計巴士會比預期早五分鐘俾我見到佢個車頭燈).

06:57分成功上車, 因為前晚無真正休息過既關係, 我一上到車便呼呼入睡, 當我再張開眼睛時已經到了客運大樓, 我望一望錶, 原來只係07:25, 我仲比預期早到. 奇怪~~~

之後到counter check-in, 例行公事, 我地既行李合共10.9kg. 我地好似得20kg limit, 未去已經10.9kg, 唔係呀化~

再之後去排隊拎台證, 我地搵唔到咪走去問個cs la, 個死佬見我係香港人, 早晨都唔同我講就叫我去k 後面自己搵. 我有主動同佢講早晨架. 佢咁鬼無禮貌. 好衰唔衰仲要唔係0係k 個條line, 係L先岩. 個一刻我真係好想投訴佢無禮貌同資料不準.

條龍都有十幾個人, 仲有成個鐘先aboard, 心諗唔怕la, 大把時間, 可惜個staff姑姑叫我地唔再好排, 因為internet 好慢, 事源台灣地震影響仲未恢復, 如果可以既就去到台灣先做簽證. 咁就無辦法, 我地只有入閘等上機.

一上到機, 唔理三七廿一我就合埋眼訓覺, 連飛機早餐都無見過, 夢到只係發左一半就要落機.

真係鬼整, 估唔到過關做乜野要咁耐, 其實做台證所有野都好簡單, 係排隊等過關耐. 排左一粒幾鐘, 去到仲發現唔記得填入境資料, 好彩個官好好人, 俾左張form 我, 叫我行埋一便填返, 仲叫我搞點之後就俾佢, 唔駛再排過, 如果唔係又要等多粒幾鐘???? 殺死我好了~~~

出到閘, moka以前同我講過一出閘唔駛左右諗, 去up dup d個便就岩. 我梗係信朋友la. 望一下, 左右都係咁up dup.... 哂氣.�

呢張就係出閘後轉左既巴士賣飛站. 我睇旅遊書話要搭飛狗, 5號窗就係飛狗巴士0拉. 個d 姐姐識聽識講廣東話,其係都幾方便. 每張飛NT$135. 我10:50分落機, 成1點先上巴士呀.

時間到, 職員就叫我地去個站到排隊呀, 照顧我地d行李. 其實感覺有d似返大陸, 但係又好似比起大陸有安全感d. 台灣人望上去就是多一份文明同友善.

一上到車, 一合一開眼就到左酒店門口, 合埋眼前已經食定消腩丸, 因為知道當一到步我地就開始狂食之旅.

先講去到酒店, 個房相當okay, 唔係乜野大酒店, 之不過清潔乾淨已經好開心.

再講我去到台灣既第一餐係......

味道都幾好, 不過我都係覺得有少少酸味, 可能係台灣人口味0拉. 之後再係街上走呀走, 再食左一個臭豆腐. 普普通通la

我地再四周圍行下,去左食少少老天祿老味, 再食個炭燒麻薯, 食埋阿宗麵線, 再食個串燒雞pat pat. 其實味道唔錯, 好有雞味. 食到咁上下都有少少飽0拉.....

之後我地就去再劍譚, 搵一個叫川賴既地方做spa.�途中moka 打俾我, 佢話佢去左九份, 今日唔返泥同我玩,�算數, 橫點我都係去做spa. 做完spa 都19:50 lu.

我地就去市林食野. 食野就多lor, 等我諗下先.

一入去就先食蚵仔煎+炒尤魚la

再食左個豪大大炸雞排 (成塊面咁大),�飲左個蘋果汁就出戰美麗華.

美麗華個便地方好大, 行街幾好.

好快咁行左一圈, 當食物差唔多落哂格就再去過市林再食!

一返到去我地再食多次炒花枝,紅油抄手,再食個刨冰其實已經有d飽, 行左一個圈, 睇下人地d街檔同其他食市, 都差唔多夠哂皮, 成11點架la, 我地拖仲疲累既身驅返酒店大覺訓再戰明天.